Гөлназ Сәфәрова елап һәм танышлыклары белән куркытып кына медицина ярдәме алуга ирешкән

Гөлназ Сәфәрова елап һәм танышлыклары белән куркытып кына медицина ярдәме алуга ирешкән
Гөлназ Сәфәрова үзен начар хис итә башлаган һәм түләүле клиникага барган. "Сәламәтлек саклау министрлыгына миллион сорау. Мин һәрвакыт түләүле клиникага гына йөрим, чөнки участковыйга мин түләүсездә участковыйга 2 атнадан соң гына эләгәм. Бервакыт мин шул ике атнаны көттем, чиратта тордым, терапевт мине башка белгечкә җибәрде, анда тагын ике атналык чират, көтеп тордым. Аннары мине УЗИга җибәрделәр, аны ун көн көттем, аннары процедуралар башладылар. Бер ай. Нәтиҗәдә 14+14+10+30 = 2 ай һәм ун көн.Аның каравы, бушлай. Ә минем авыруым көчәю ихтималлыгы, минем 3 ай диярлек тавышсыз йөрүем беркемне дә борчымый. Ә сез баланы бушлай стоматологка яздырганыгыз бармы? Көтегез, язылу бетте, урыннар юк!!!

Шуңа күрә дә түләүле клиникаларга йөрергә туры килә, алар шулкадәр артты...

"Айболит" ошамады, түләүле клиника, һәрвакыт анализларны шунда бирә идем. Ә бүген УЗИ нәтиҗәләрен почтага җибәрүне сораган идем. Алар теләсә кайсы бүлекчәгә барып, паспортны күрсәтергә куштылар, аннары бастырып бирәчәкләрен әйттеләр.

Мин якындагысына бардым, чөнки нәтиҗәләрне алып башка табибка барасы бар иде. Миңа әйтәләр - ЮК, үзегез анализ биргәненә барыгыз. Аларның бердәм базасы да юк икән. Хокукларымны даулый башлаганчы беркем дә селкенмәде. Түләүле клиника, сервис...

Табиб мине РКТга җибәрде. Мин шалтырата башладым. 7нче поликлиникага шалтыратам (түләүле бүлеккә, чөнки түләүсезенә эләгеп булмый, айлар буе көтәргә кирәк) бер хатын телефонны ала да тупас тавыш белән әйтә: "Дээ"... Мин кая эләктем дип сорыйм, ә ул "Дэээ". Бу нормаль хәлме? 

Мин информатив җавап бирергә кирәк дидем дә РКТ турында сөйли башладым. Ә ул, миңа җавап бирмичә, мине сүгә башлады. Түләүле хезмәт... Түләүле хезмәт күрсәткән клиникалар буйлап киттем...

РКТны көнендә эшләп булмый икән, урыннар юк... Таптым. Чиратта торам, авыру бетми. Шәфкать туташыннан кайчан кабул итәчәкләрен, кая түләргә кирәклеген сорыйм. Ә ул эш арасыннан гына җавап бирә, ниндидер кәгазьләрне бутый, бернинди игътибар юк...

Мин түзеп тора алмадым. Елап җибәрдем. Регистратурага йөгереп килдем, җитәкчелекне чакырдым, танышлыкларым белән янадым.

Мине шунда ук кабул иттеләр, гафу үтенделәр, РКТ ясадылар.

Күпме нерв, көч, сабырлык һәм акча! 

Нишләргә һәм ничек яшәргә. 

Ярый әйбәт, минем УЗИ, РКТ, МРТ ясарга акчам бар, таныш табибларым бар, ә алар булмаса нишләргә?

Әгәр акчаң, көчең, танышлыгың булмаса... һәм иң куркынычы - ул кадәр вакытың булмаса... Авыру көтми бит. Яраббым, куркыныч..."

Гөлназга комментарий калдыручыларның күбесе табибларның битарафлыгыннан мисаллар яза:

"Менә шулай абыем үлеп китте 56 яшендә. Участковыйга барган, УЗИ ясамаганнар, түләүсезгә чират дип, мескенемнең шул вакытта акчасы булмаган".
"Танышың булмаса, медицина синең өчен түгел".
"Себер трактындагы онкологиядә нәрсә эшлиләр, бөтенләй куркыныч. Бушлай УЗИны 6 ай көтәсе, ә түләүле булса - шунда ук". 
"Гөлназ, сезне дә танымагач, безгә нәрсә инде?"