Лаеш районы башлыгы, баянда уйнап, хатын-кызларны бәйрәм белән котлаган — видео | intertat.tatar

Лаеш районы башлыгы, баянда уйнап, хатын-кызларны бәйрәм белән котлаган — видео

Моңа кадәр җитәкченең баянда уйнаганын күргәннәре булмаганмы, Илдус Зариповның әлеге чыгышы район халкын шактый гаҗәпләндергән.

Лаеш районы хатын-кызлары өчен район башлыгы Илдус Зарипов 8 Март бәйрәменә үзенчәлекле бүләк ясаган — бәйрәм концерты вакытында, сәхнәгә менеп, баянда уйнаган ул. Әлеге чыгышны Лаеш районы инстаграмына урнаштырганнар.

«Булдырасыз, искиткеч», «Шаккаттырдыгыз, Илдус Фатыйхович», «Рәхмәт сезгә, гаҗәпләндердегез. Бик үзенчәлекле бүләк булды», «Илдус Фатыйхович, сезнең уйнауга мин җырлап утырам. „Аерылу сездән бик авыр икән“, „Эх, сез, матур кызлар“… Эх, анда булсам, кушылып җырлаган булыр идем. Соңрак киленде шул. Гомер үтте инде, гармунчы булмады Лаешта», «Ир кешегә җитмеш төрле һөнәр дә аз диләр! Булдырасыз, афәрин!» — дип комментарийлар яза район халкы җитәкчегә.