Тамашачылар Фирдүс Тямаевның аяк киемен баш яулыгы белән чистарта - видео
Җырчы әледән-әле кызыклы видеолар күрсәтеп тора.
Фирдүс Тямаев концертында тамашачы ханым сәхнә каршына килеп, җырчының аяк киемен сөрткән. Әлеге кадрларны Фирдүс инстаграмдагы сәхифәсенә куйды.
Ханым Фирдүснең ботинкасын яулыгы белән сөртә, «Син сөрткән саен мин тотлыга башладым. Минем бөтен әйберем хисле бит. Мин кайнар егет», — ди Фирдүс артка таба китеп.
Аннары ул: «Кил әле, үзеңне үбим әле», — ди. Җырчы сәхнәгә ята һәм бу ханым белән бер-берсен биттән үбәләр. Аларга тагын бер ханым кушыла, өчәүләшеп үбешәләр. Тагын бер ханым килеп үбеп китә.
Инстачылар «тәүфыйксыз хатыннар», дип ачулана. Башкалары «шаярталар ич», «Кашпировский» — дип аларны яклый.