Роза Сабитова кызларга берьюлы өч ир-ат белән очрашырга киңәш итте

«Бер ир-аттан кияүгә чыгу тәкъдим көтеп җиткермәү ихтималы зур», — ди ул.

Телевидение алып баручысы, танылган димче Роза Сабитова хатын-кызларга киңәш биргән. Кияүгә чыгу ихтималын арттыру өчен, ул берьюлы өч ир-ат белән очрашырга тәкъдим итә. Сабитова инстаграмда шул хакта язып калдырган. Бу турыда РИА Новости хәбәр итте.

Сабитова сүзләренчә, егетең җитди планнары турында әйткәнче, берьюлы өч кеше белән мөнәсәбәт корырга кирәк.

Ул үзенең киңәшенә аңлатма да бирә. «Бер ир-аттан кияүгә чыгу тәкъдим көтеп җиткермәү ихтималы зур», — ди ул.

«Әгәр ике ир-ат белән очрашсагыз, аларның кайсысы яхшы дип гомер буе сайларсыз, әгәр өч ир-ат белән очрашсагыз, шуларның хет берсеннән көтелгән нәтиҗә — кияүгә чыгу тәкъдиме алырсыз», — дип яза ул.

Димче сүзләренчә, ир-атлар ялгыз хатыннарга тартылмый, алар «чиратта беренче булырга омтыла».