«Елаттыгыз, апа»: Рамилә Хәйретдинова әнисенең җырлаганын видеога төшергән
Җырчының әнисе Хәния Фәрхи репертуарыннан «Утыр әле, әни, яннарыма» җырын башкарган.
Җырчы Рамилә Хәйретдинова әнисенең пирожки ясаган вакытта бик матур итеп җырлаганын видеога төшереп алган. Ул Хәния Фәрхи репертуарыннан «Утыр әле, әни, яннарыма» җырын башкара. Рәмилә Хәйретдинова әлеге видеоны инстаграм челтәренә урнаштырган. «Әнием. Монда калсын әле истәлек булып», — ди җырчы.
Инстачылар видеоны бик җылы кабул иткәннәр. «Әй, афәрин, күз тимәсен, бөтен җырны ятлаган бу апа», «Әниегез бик матур жырлый, аңа артист булырга кирәк булган», «Елаттыгыз, апа, шәп, бәйрәм белән», — дип язалар. «Концертларыгызда чыгыш ясаганы бармы?» — дип тә кызыксыналар алар.