"Баллы пар": Айсылу Габдинова туй күлмәгеннән ире белән төшкән фотосын күрсәтте

Айсылу Габдинова туй күлмәгеннән төшкән фотоны күрсәтте. Ул ире белән бергә төшкән сурәтне инстаграмдагы сәхифәсенә куйды. Фото Казан гаилә үзәге янында төшерелгән.

"Бездән сезгә тыныч йокы", - дип язган җырчы.

Инстачылар "баллы пар", дип язалар. Яшь парларга бәхет, мул тормыш телиләр.

"Җырчы Айсылу Габдинова тормышында мөһим вакыйга булырга тора. Кичә аны кияүгә сорарга килгәннәр. Айсылуның инстаграмда куйган бәхетле фотосыннан аңлашылганча, әти-әнисе аны кияүгә бирергә ризалашкан", дип 28 апрельдә язган идек.

Айсылуның булачак ире Динислам исемле. "Никахыбыз җәй була", - дигән иде Айсылу "Интертат"ка.