«Куркам әзрәк, оялам». Ландыш Нигъмәтҗанова кызы Ләйләнең беренче укытучысын күрсәтте
Бүген Ләйлә мәктәп формасы киеп, ак бантлар тагып, беренче тапкыр укырга китте.
Ландыш Нигъмәтҗанованың кызы Ләйлә Шиһабетдин Мәрҗани исемендәге 2 нче гимназиягә беренче сыйныфка укырга керде. Ландыш аның беренче укытучысы белән утырып төшкән фотосын инстаграмга куйды.
Иртән мәктәпкә барышлый Ландыш кызының хәлләрен сораштырган иде.
Видео кадрларында Ләйлә абыйсы Әнвәр белән мәктәпкә бара. Әнисе аның хәлен белешә. Ләйлә: «Куркам әзрәк, оялам», - ди.
Беренче сыйныф укучысы Ләйләне инстачылар котлый, уңышлар тели. Алар «2 нче гимназия. Кадрия Рашатовна, уңышлар Ләйләгә», «сыйныф җитәкчесенә шәп булды, әзер артист килә», диләр.
Без дә котлауларга кушылабыз.