Сочида ял иткән ананын ике баласы елгада агып киткән
400 дән артык кеше 4 һәм 15 яшьлек ике баланы эзли. Бу хакта шәһәр мэриясе сайты хәбәр итә.
Бу хәл кичә шәһәр янындагы Пластунка авылы янында була. Ял итәргә килгән әни һәм аның 4 һәм 16 яшьлек ике баласы, Сочидан булган ир-ат белән шәһәр читендә ял итәләр. Елганы чыгарга кирәк була, алар ни өчендер күпердән түгел, су аркылы чыгарга булалар. Әмма яңгырлардан соң су күләме артканын исәпкә алмыйлар. Нәтиҗәдә, дүртесен дә елга агызып китә. Хатын-кыз үзе котылып чыга ала һәм коткуручыларга хәбәр итә. Алар килеп, ир-атны коткаралар. Аның башы бәрелгән була.
Балаларны эзләү дәвам итә дип хәбәр ителә шәһәр сайтында.
Елганың диңгезгә койган урынында да көчле сак куелган. Бу сәгатькә балалар хакында мәгълүмат юк.