Үсмер кыз бала хастаханәдә үлгән

15 октябрьдә Башкортстанның Красноусол районы Үзәк хастаханәсендә кыз бала үлгән. Бу турыда «Башинформ» агентлыгы хәбәр итте.

Бала шикәр диабеты белән авырган. 14 яшьлек кыз үлеме турында мәгълүматны Тикшерү комитеты да раслаган. Хәзер суд-медэкспертиза эшләре билгеләнгән. Шуннан соң бала үлеменең сәбәпләре ачыкланачак.

Вакытлы матбугат чаралары бала инсулин җитмәгәнгә үлгән дип хәбәр таратты. Тик бу сүзләр расланмады, диелгән «Башинформ» хәбәрендә.