Үсмер егет бер хатынның үкчәләрен кисеп алган
Шулай итеп ул хатынның аягындагы зиннәтле бизәнгечләрне урлаган.
Һиндстанның Раджастхан штатында 19 яшьлек егет бер хатынга һөҗүм иткән. Ул хатынның аягындагы зиннәтле әйберләрен талау өчен үкчәләрен кисеп ташлаган. Егет онлайн уеннар белән мавыгып, зур әҗәт җыйган булган. Бу турыда India Today басмасына сылтама белән РЕН ТВ хәбәр итте.
Коточкыч җинаять 2021 елның октябрендә була. Гита Деви исемле хатын мәетен авыл халкы таба. Аның үкчәләре киселгән, мәет кан күлләвеге эчендә ята. Мәрхүмәнең кыйммәтле бизәнгечләренең барысын да урлап алып киткәннәр.
Өч ай узгач җинаятьчене ачыклыйлар. Ул көллият студенты булып чыга. Паван Кумар исемле егет биредә яшәүче хатынга һөҗүм итүе, аның аякларын чабуы һәм көмеш әйберләрен урлавы, башына һәм муенына берничә тапкыр сугуы ачыклана. Имгәнгән хатын шунда ук үлә.
Урланган әйберләрне сатып алган дүрт кешене дә тоткарлаганнар, диелә бу хәбәрдә.