Смартфонның зәңгәр экранының нинди зыяны бар?
Табиблар экранның яктылыгын көйләргә киңәш итте.
Табиб-офтальмолог Марина Царегородцева смартфон нурландыра торган зәңгәр төснең зыяны турында кисәтә. Бу турыда «Известия» язды.
«Зәңгәр төс күзгә зыянлы. Ул кояш нурланышы спектрының шәмәхәдән күк төсенә кадәрге диапазондагы нурларыннан тора», диелә хәбәрдә.
Зәңгәр төснең күзгә зыянын киметү өчен, экранның яктылыгын көйләргә кирәк. Күзне дымландыра торган препаратлар куллану да файдалы. Алар күзнең яшле элпәсен яңарта.
Гаджетны озак кулланганда компьютер күзлеге кию хәерле. Алар электромагнитик нурланышны нейтральләштерә, дисплей экраныннан ялтыравыкны үткәрми, шәмәхә һәм зәңгәр спектр нурланышын уздырмый.
Зәңгәр төс күзгә генә түгел, йокы сыйфатына да начар йогынты ясый. Шуңа күрә йоклар алдыннан 2-3 сәгать кала телефонга карамау хәерле, ди табиб.