Көнбатышның Украинага хәрби ярдәме конфликт корбаннары санын арттыруга гына китерә, дип саный Словакия премьеры Роберт Фицо. Бу хакта ул Венгрия коллегасы Виктор Орбан белән берлектә узган матбугат конференциясендә белдерде, дип яза «Российская газета».
Аның сүзләренчә, Украинадагы конфликтның «хәрби чишелеше юк, ә Украина армиясе Россия белән тигез дуэль алып бару сәләтен югалткан».
Украина Кораллы көчләренә ярдәм булса, 3 елдан соң да хәл үзгәрмәячәк, дигән ул. «Без монда торачакбыз, һәм 50 миллиард евро югалганын һәм һәр яктан үлгән солдатларның 100 меңнән күбрәк булганлыгын һәм беркем дә урыныннан кузгалмаганлыгын әйтәчәкбез», – диде ул.
Моннан тыш, ул Россиянең сөйләшүләр позициясе яхшырачагына ышануын белдергән. Үзе, словак буларак, Көнбатыштагы көчләрнең геосәяси мәнфәгатьләре аркасында славяннарның бер-берсен юк итүенә кайгыруын әйтә.
Фицо сүзләренчә, «Россия икътисады эшли, рубль үз позициясендә кала, Россия үз-үзен тәэмин итә алырдай булып үзгәрә, Россиянең энергетика тармагы предприятиеләре төрле рекордлы килешүләр төзи».