«След» сериалы йолдызы үлгән
Актерның хәле киткән һәм ашыгыч ярдәм чакырганнар.
«След» сериалында патологоанатом Борис Селиванов ролендә уйнаган актер Олег Валкман вафат булган. Аңа 52 яшь иде. Бу турыда аның вәкиле Аленага сылтама белән РЕН ТВ хәбәр итте.
Бүген Олег Валкманның хәле киткән, аңа ашыгыч ярдәм чакырганнар. Ул реанимациядә ятканда вафат булган. Үлемнең төгәл сәбәпләре әлегә билгеле түгел, диелә хәбәрдә.
Соңгы вакытта аның сәламәтлеге белән проблемалары булып, ул кинода төшми башлавы билгеле.
Мәрхүм белән бергә уйнаган актер Владимир Ташлыков бу хәбәрне раслаган, үзе дә бик борчылуын әйткән.
