«Татарстан – Яңа гасыр» каналында «Әй язмыш, язмыш» тапшыруын алып баручы Зәмирә Рәҗәпова скумбрия пешерү рецепты белән уртаклашкан.
Скумбрия балыгын чистартырга, кәгазь салфетка белән киптерергә.
2 аш кашыгы зәйтүн мае, 1 аш кашыгы соя соусы, 0,5 бал кашыгы тоз салып болгатырга. Аннары балыкның ике ягын да шул соус белән «майларга».
Табага фольга җәяргә, балык куя торган урынга тоз сибәргә һәм балыкны түше белән тозга куярга кирәк.
180 градуска кадәр кызган духовкада 30 минут пешерергә.
«Минем рецептлар коллекциясендә тәмле балык пешерүнең иң җиңел рецепты. Бу рецепт өчен Зөлфия Шакировага рәхмәт», – дип язган алып баручы.