Скрипкачы Динә Закирова «Татарстанның атказанган артисты» исеменә лаек булган.
«Мин бәхетле. Миңа бүген «Татарстанның атказанган артисты» исеме бирелүе турында хәбәр иттеләр. Сөенүем эчемә сыймый. Сезнең белән дә бүлешәсем килә, хөрмәтле дуслар. Минем хезмәтемне шундый мәртәбәле исем белән бәяләгәнгә хөрмәтле җитәкчеләребезгә зур рәхмәтемне белдерәм», – дип язган ул сәхифәсендә.
Язылучылары, җанатарлары Динәне котлый. «Чын күңелдән тәбрик итәбез, Динә. Куанычын күр! Соңгысы булмасын», – дип язган Илүсә Хуҗина.
«Ура, чын күңелдән котлыйбыз сине, Динә», – дип котлаган Зөлфирә Шәйдуллина-Мирзаянова.
«Син бик лаек бу бүләккә», – дип язган Фидания Лерон.
«Чын күңелдән котлыйбыз сине, Динә! Безнең авыл килене бит ул», – дип язганнар.
«Котлыйм, Динә! Син моңа күптән лаек идең. Иҗат чишмәң саекмасын, матур чыгышларың белән тамашачыларны күп еллар сөендерергә язсын», – дип теләгән Дилбәр исемле язылучысы.
