Камал театры оркестры артисты, скрипкачы Динә Закирова социаль челтәрдәге сәхифәсендә шатлыгы белән уртаклашты.
«Татарстан Мәдәният министрлыгының беренче коллегиясендә миңа зур дәүләт бүләгенең медале белән таныклыгын тапшырдылар. Татар тотып карамыйча ышанмый, диләр бит. Бүгенге көннән мин үземнең чын «атказанган артист» булуыма ышана башладым. Әти-әниемә, укытучыларыма, сөекле ирем белән алтын кызыма, хезмәттәшләремә, җитәкчеләремә, минем өчен сөенүче тамашачыма чиксез зур рәхмәтләмен», – дип язган артист.
Динә Закированы беренче булып татар эстрадасы җырчылары котлаган, шулай ук тамашачылар һәм виртуаль дуслары да аның сөенечен уртаклашкан.
Фото: © Салават Камалетдинов