Скрипкачы Динә Закирова хиҗама ясатуы турында: “Организм яшәрә, иммунитет ныгый, барысы да ошый безгә!”
Г.Камал исемендәге Татар дәүләт академия театры оркестры артисты, скрипкачы Динә Закирова тормыш иптәше актер Илнур Закиров белән хиҗама ясатканнар. Бу хәбәр белән Динә Закирова инстаграм битендә уртаклашкан.
Хиҗама - тире катламын тишеп, тәндәге оешкан начар канны суыртудан гыйбарәт. Әлеге алым бик борынгы заманнарда ислам динендә булмаган халыклар арасында да, мәсәлән, Кытай медицинасында киң кулланылган. Бу хакта Мөхәммәд пәйгамбәр үзенең кайбер хәдис-шәрифләрендә аның хакында телгә ала. Мәсәлән, «Иң яхшы дәвалану чараларының берсе – кан алдыру» (Бохари һәм Мөслим риваятьләреннән). Кан алдыруны икенче төрле «хиҗама» дип тә йөртәләр, чөнки Мөхәммәд галәйһиссәлам аны нәкъ менә шулай атый. «Хиҗама» исә «хәҗем» сүзеннән алынган һәм ул гарәпчә «суыру» дигән мәгънәне аңлата. Бу ысул революциягә кадәр безнең халыкта да киң таралган булган.
“Сезнең сәламәтлегегезнә кагылышлы файдалы мәгълүмат белән уртакалашасым килә. Күбегез “Хиҗама” (кан алдыру) процедурасы турында ишеткәнегез бардыр. Без тормыш иптәшем Илнур белән хиҗаманы еш ясатабыз һәм манипуляциядән соң һәрвакытта да үзебезне яхшы хис итәбез. Организм яшәрә, иммунитет ныгый, гомумән, барысы да ошый безгә! Барыгызга да иминлек телим”, - дигән Динә.