Төрле өслекләргә скотч ябыштырганнан соң калган ябышкан эзне бетерү ысуллары киңәшләр сайтында чыкты.
Скотч эзен эреткеч, бензин, башка скотч яки фен белән дә чистартып була. Ләкин моның бик гади ысулы бар. Суыткычтан үсемлек мае шешәсен алыгыз. Бинтны май белән чылатыгыз һәм скотч эзе булган урынны ышкыгыз.
Тап горизонталь өслектә булса, бер тамчы май төшерегез, аны өслеккә таратып, берничә сәгатькә калдырып торыгыз. Май тапны бөтенләй бетермәсә, һичьюгы клейны эретә. Аннары май эзләрен сабынлы су белән чистартыгыз.
Бензин һәм башка эреткечләр скотч эзен тизрәк чистарта, тик исе озакка кала, әле өслекне дә бозарга мөмкин.
Кулдагы һәм киемдәге буяу эзләрен дә май белән ышкып бетереп була, диелә хәбәрдә.