Татарстанның атказанган артисткасы Сиринә Зәйнетдинованың әтисе вафат. Бу хакта аның хезмәттәшләре хәбәр итте.
Җырчының әтисе авырганы мәгълүм.
9 июль көнне Сиринә әтисе Фәнисне туган көне белән котлап пост урнаштырган иде. "Әтием, җан кисәгем, кадерлем, туган көнең белән тәбрик итәбез! Сәламәт бул, әнием белән тигезлектә озын матур гомер кичерегез!!! Без сине бик яратабыз!!!" - дип язып, Гөлнур Айзатның әтиләр турындагы шигырен дә куйган иде.
19 ноябрьдә Сиринә Зәйнетдинованың концерты планлаштырылган иде.
Җырчының авыр кайгысын уртаклашабыз.