Сиринә Зәйнетдинова һәм Эльвина башкаруында «Балам — бал, əнием — гөл» җыры
Гүзəлия көе, Рауза Хафизова сүзләре.
Балам — бал, əнием — гөл
Җырны Сиринә Зәйнетдинова кызы Эльвина белән башкара
Бал сүзеннән алынганмы
Шундый татлы сүз — балам.
Куанып җирдә яшәргә
Көч-сихәт аннан алам.
Бал капкандай булам, балам,
Әнием дип эндәшсә.
Балам-байлыгым булганда,
Алтын-көмешләр нәрсә?!
Кушымта:
Баланнарда да бал сүзе
Ник ачы икән болай?
Балан ачыларын гына,
Кушып бирмәсен Ходай!!!
Әнием дип уйласам да,
Дөньяларым яктыра.
Куенына сарылам да,
Кояш көнләшеп тора.
Минем өчен иң гүзәл ул,
Бар дөнья гөлләреннән.
Балам дип яратып дәшсә,
Бал тама телләреннән.
Алсу алмам бит син минем,
Алтыным, саф көмешем.
Изге күкләрнен бүләге
Иң-иң кадерле кешем!!!