Без, мөселманнар, дустым, бер Аллаһка гына гыйбадәт кылып яшәргә тиешбез. Аллаһка тиңдәшлек (ширек) кылу — иң зур гөнаһ. Шуңа күрә ширектән ерак торырга тырышыйк. Пәйгамбәребез صلى الله عليه وسلم безгә аннан сакланыр өчен догасын да өйрәтеп калдырган һәм аны даими рәвештә укырга киңәш иткән. Раббыбыз Аллаһ безне бу зур гөнаһтан имин кылсын өчен, һәрвакыт шушы доганы укыйк:
Аллаһүммә инни әгүзү бикә ән үшрикә бикә үә әнә әгъләм, үә әстәгъфирукә лимә лә әгъләм.
«Әй Аллаһ! Хакыйкатьтә, белә торып Сиңа ширек кылудан Сиңа сыенам, һәм белми торган нәрсәләрдән Синнән гафу үтенәм!» Мүснәд, имам Әхмәд риваяте
«Каләм» нәшрияты җыентыгыннан