Атна азагына Үзәк Россиядә елгаларда һәм сулыкларда су 24 градуска кадәр җылыначак. Бу турыда Россия Гидрометеорология үзәге фәнни җитәкчесе Роман Вильфанд РИА «Новости»га хәбәр иткән.
«Минималь температура 20 градус тирәсендә, көндез 31-33 градус җылы булганга, инде пәнҗешәмбе үк Мәскәү елгасында су 20 градуска һәм аннан да югарырак күтәреләчәк. Атна азагына бу «яңа сауган сөт» – 24 градус тирәсендә була, аеруча аз агымлы сулыкларда», – дигән Вильфанд.
Синоптик сүзләренчә, бу – Россиянең Европа өлешендә су коену өчен бик яхшы температура.
