Июль уртасында Үзәк Россиядә уртача эссе булыр дип көтелә. Бу хакта «Фобос» һава торышы үзәгенең әйдәп баручы белгече Михаил Леуска сылтама белән РИА «Новости» хәбәр итә.
«Җәй уртасында Үзәк Россиядә салкынча һава торышы да, аномаль эсселек тә булачак. Июль башында һава торышы әле июнь тенденциясен саклаячак, һәм уртача температура нормадан бераз түбәнрәк булыр дип көтелә. Ә менә ай уртасында җылы һава массалары өстенлек алачак, һәм төбәкне уртача эсселек көтә», – дип язган Леус үзенең Telegram-каналында.
