«Син СССРның халык артисты» - Филүс Каһировның яңа җырын Габдерәхим ошаткан
«Сине эзләп» җырының сүзләрен Ринат Мөслимов, көен Марат Мухин язган.
Татарстанның атказанган артисты Филүс Каһиров «Сине эзләп» дип аталган яңа җыр яздырган. Бу турыда ул инстаграмдагы сәхифәсендә хәбәр итте.
«Жырның тулы версиясен барлык музыкаль мәйданнарда тыңлый аласыз», — ди Филүс.
Филүснең яңа җырын журналист Габдерәхим дә ошаткан. «Бу җырыңны гомер буе тыңлыйсы килә. Син СССРның халык артисты», — дип яза gabderahim_official.
Башка инстачылар да җырны ошата. «Габдерәхимгә ошагач, матур җыр була инде. Ул дөресен әйтә торган кеше, матур башкару», — дип язалар.
