Россия Президенты Владимир Путин һәм Кытай Халык Республикасы Рәисе Си Цзиньпин киң колачлы хезмәттәшлек һәм стратегик мөнәсәбәтләрне тирәнәйтү турында уртак килешү имзалады, дип яза «SHOT» Телеграм-каналы.
Владимир Путинның төп фикерләре:
- Россия һәм Кытайның үзара сәүдәсе һәм инвестицияләре өченче илләрнең тискәре тәэсиреннән ышанычлы сакланган.
- Россия һәм Кытай арасында түләүләрнең инде 90 проценты сумнарда һәм юаньнарда башкарыла, хисапларны милли валютага күчерү сәүдә ташкынын киңәйтүгә этәргеч бирде.
- Россия һәм КНР бергәләп дөньяда демократия һәм тынычлык принципларын яклый.
- Илләрнең дөньякүләм эшләрдә хезмәттәшлек итүе бүген халыкара аренада иң төп тотрыклылык факторларының берсе булып тора.
- Энергетикада хезмәттәшлек югары темпларда бара. Бу – өстенлекле юнәлешләрнең берсе.
- Без Кытай коллегаларыбызга Украина конфликтын җайга салу буенча инициативалар өчен рәхмәтле.
Си Цзиньпинның төп фикерләре:
- Чирек гасыр эчендә Кытай һәм Россия мөнәсәбәтләре тагын да ныгыды.
- Кытай һәм Россия үзара сәяси ышанычны тирәнәйтәчәк, күпполяр тынычлык урнаштыруны хуплаячак.
- Украина конфликтын җайга салу буенча Кытай позициясе анык – ООН принципларын үтәү, Кытай тиз арада тынычлык урнашуга өметләнә һәм үзенең конструктив ролен дәвам итәргә әзер.