"Штамповка түгел": Элвин Грей яңа җыр тәкъдим итте

Элвин Грей рус телендә "О тебе" дип аталган яңа җыр яздырган. Ул инстаграмдагы сәхифәсенә "Премьера", дип анонс куйды.

Тугыз сәгать эчендә җырны кырык меңнән артык тапкыр караганнар, 250 дән артык комментарий язганнар. Барысы да диярлек җырны ошаткан.

"Һәр яңа җыр чыккан саен, шаккатам: каян килә кешегә шулкадәр энергия һәм илһам. Алар барысы да төрле бит, кайберәүләр кебек сан өчен генә "штамповка түгел". Һәрберсендә бер тарих, безнең Элвин Грей шуны җырлап кына түгел, яшәп бирә. Премьера белән, Радик", дип яза бер инстачы.