«Шоу инде бу» - Алсу һәм Азат Фазлыевлар бәби туе үткәрә
Иҗади гаиләнең кунаклары үз сәхифәләрендә фото-видеолар куя.
Алсу һәм Азат Фазлыевлар кызлары Зифаның бәби туен милли рухта үткәргән. Мәҗлестә «Туган тел» җырын да җырлаганнар, татар халык биюләрен дә биегәннәр.
Бәби туен Татарстанның атказанган артисты Гөлназ Сәфәрова һәм «Улица» фильмында төшкән Руслан Сабиров алып бара.
Җырчылар куйган видеоларда Татарстан йолдызлары арасыннан бәби туенда Илсөя Бәдретдинова, Зәмирә Рәҗәпова, Зөлфирә Шәйдуллина, Айдар Тимербаев, Уфадан Ләйлә һәм Рөстәм Галиевлар күренә.
Әлбәттә, иҗади гаиләнең инстадуслары котлауларга кушылган, матур теләкләрен язып калдырганнар.
«Бигрәк каты яратасыз. Ата-ана күзе дә тия бит», «Каян таптыгыз мондый матур элеккеге шапканы», «Бәби туе түгел инде бу, ә шоу», «Ике малаегызның бәби туен да шулай үткәрдегезме?» кебек комментарийлар да бар.