Шлифовкалый торган машина 17 яшьлек егетнең муенын кискән
Мәктәптә укучы малай шәхси йортта ремонт ясарга җыена, шлифовкалау машинкасын тотып, урындыкка менеп баса.
Башкортстанның Баймак шәһәрендә мәктәптә укучы 17 яшьлек егет һәлак булган. Бу турыда Уфа.Онлайн хәбәр итте.
Баланың үлеме турында мәгълүматны хокук саклау органы хезмәткәрләре раслаган.
17 яшьлек үсмер шәхси йортта ремонт ясарга җыена. Ул шомарту өчен махсус җайланма — шлифовкалау машинкасын файдалана. Үсмер шушы коралны тотып урындыкка менеп баса. Шул чакта ул егылып төшә, эшләп торган шлифовка аның өстенә төшә һәм егетнең муенындагы артериясен кисә. Кан югалтудан, бу бала һәлак була.
Хәзерге вакытта тикшерү эшләре бара, судмедэкспертиза билгеләнгән.