Шикәр бәясе күпмегә артты?

19 октябрьгә мәгълүматлар буенча, шикәр комын күпләп сату бәясе 50 процентка арткан һәм Көньяк федераль округта 1 килограммы 35,97 сум тәшкил итә. Бу турыда ТАСС агентлыгына сылтама белән "Татар-информ" хәбәр итә.

Бер елда Россиядә шикәр комын азлап сату бәясе 5,2 процентка арткан һәм 1 килограммы 42,7 сум булган.

Быел гыйнвар-октябрь айларында Россиядә читтән кертелгән шикәр чималы 4,4 мең тонна тәшкил иткән. Бу, 2017 ел белән чагыштырганда, 8,3 процентка кимегән.

Узган ел нәтиҗәләре буенча, шикәр җитештерү 15,9 процентка арткан һәм 6,7 млн тоннага җиткән.