Шешә кочаклаган Илсөя Бәдретдинованы шелтәлиләр: «Коръән эчүне хупламый!»
Илсөя Бәдретдинова Инстаграм сәхифәсендә зур шешәне кочаклап төшкән фотосын урнаштырган. Халык җырчыны аңлап бетермәгән, «хәләл вино була алмый» дип шелтә белдергән.
«Кемнәр инде нормальный? Перекличка…», — дип язган Илсөя Бәдретдинова.
«Вино хәләл була алмый. Коръән эчүне хупламый. Кешене алдамагыз»,
«Мин аңламыйм, ничек инде хәләл вино булсын ул. Нәрсә, аны догалар укый-укый мулла ясаган что-ли. Хәзер бит дуңгыз итенә генә тагасы калды хәләл дип, перәннек хәләл, конфет хәләл. Хәләл ул — дога укып кул белән суйган ит кенә була ала»,
«Хәләл вино булгач, хәләл аракыга да озак калмаган»,
«Оооо, берүзеңә генә күп булмасмы? Компания кирәк срощно»,
«Хәләл вино дигән өчен вообще кулга алалар үзеңне хәзер. Резидәне ни эшләтеп чукындырып бетерделәр мәчет фонында, төрекчә костюм киеп, «танец живота» биегәне өчен. Сакланып йөре, чәйниләр бит хәзер!» — дип язганнар Илсөягә.
Җырчы исә каршы җавап биргән: «Хәләл вино бар», «хәзер алкаш дип әйтәләр инде», — дигән.
