Шереметьевода очкычтагы янгында 13 кеше һәлак булган
Шереметьевода очкычтагы янгында 13 кеше һәлак булган
Шереметьево аэропортында авария хәлендәге очкычта янгын чыгу сәбәпле кимендә 13 кеше, шул исәптән ике бала һәлак булган, алты кеше зыян күргән, дип яза ТАСС.
Барлыгы очкычта 73 пассажир һәм биш экипаж әгъзасы булуы турында хәбәр ителә.
- "Аэрофлот" компаниясе очкычы Мәскәүнең Шереметьево аэропортына төшкәндә яна башлаган. Ул Мурманск шәһәрендә очарга тиеш булган, әмма, янгын чыгу сәбәпле, кире борылырга мәҗбүр булган. ТАСС хәбәр иткәнчә, очкыч бортында алты кеше зыян күргән, Интерфакс агентлыгы исә һәлак булучылар да бар дип яза. РИА Новости агентлыгы янгын электр җиһазлары ватык булу сәбәпле чыккан дип фаразлый. "Очкыч куркынычсызлыгы буенча законнарның үтәлешен тикшерү буенча прокурор тикшерүе билгеләнгән", - дип яза РИА Новости.