Шагыйрә Зифа Нагаева: «Яшь чактагы егетләр кырыйда торсын»
Шагыйрәгә 93 яшьлек бабай видеокотлау җибәргән.
Башкортстанда яшәп иҗат итүче шагыйрә, композитор Зифа Нагаеваны 93 яшьлек бабай туган көне белән котлаган. Ул балаларына видео яздырткан һәм Зифа Нагаевага җибәрткән.
Видеода бабай кулына бүләк тоткан. Аны Зифа Нагаевага әзерләвен әйтә һәм теләкләр тели.
«Кызлар! Яшь чактагы егетләр кырыйда торсын икән, менә мине 93 яшьлек егет-бабай котлап балаларыннан видеоязма җибәрттергән! Вәт ичмасам! 93 яшьләргә җитеп, шундый акыл, матурлык белән картаюлар телим барчагызга!» - дип язган шагыйрә.
Композиторның виртуаль дуслары көнләшеп тә куйган. «Сиңа уңыш елмайган. Беребезнең дә андый бабае юк», «Вәт бабай», «Зифа ханым, егетләр арасында конкуренция. Сезгә уңыш юлдаш булсын. Бабайларны уяткансыз», - дип комментарийлар калдырганнар.
Инстачылар бабайны да мактап алган, аның хыялы чынга ашкан өчен куанганнар.
«Молодец та инде бабай, хыялын тормышка ашырган»;
«Молодец бабай, ул күпме хыялланып йөргәндер инде, вәт бүләк бирер идем дип. Молодцы! Видео төшергән кешеләргә дә рәхмәт. Бабайның зур теләген үтәгәннәр», - дип язган алар.