Шагыйрә һәм язучы Гөлнур Айзат гаиләсенә кайгы килгән. Ул инстаграм челтәрендә әнисе вафат булуын хәбәр итә.
«Әнием, урының җәннәттә булсын», — дип язган ул.
2019 елда «Интертат»ка биргән интервьюда Гөлнур ханым әнисенең гомер буе инспектор булып РайФОда эшләве турында әйткән. Рафига апа җыр-моңга гашыйк, кул эшләренә хәвәс кеше булган. «Әниемә бүген 96 яшь, исән-сау әле, Аллага шөкер», — дип сөйләгән шагыйрә.
Бик кызганыч, беркем дә бу дөньяга гомерлеккә килмәгән шул. Гөлнур Айзатның тирән кайгысын уртаклашабыз. Рафига апаның караңгы гүрләре нурлы, урыны оҗмах түрләрендә булсын.