Шагыйрь егет таныш хатынын вәхшиләрчә үтереп, мәетен мәсхәрәләгән

Валдайда яшәүче кешене 19 елга каты режимлы колониягә хөкем иткәннәр. Аны таныш хатынын вәхшиләрчә үтерүдә һәм мәетне мәсхәрәләүдә гаепле дип тапканнар. Бу турыда Түбән Новгород өлкәсе буенча Тикшерү комитетына сылтама белән РИА Новости агентлыгы хәбәр итте.

Җинаять 2017 елның 8 мартында кылына. 22 яшьлек егет 45 яшьлек таныш хатынының фатирына кунакка килә. Аны хатын-кызлар көне белән котламакчы була. Спиртлы эчемлекләр эчкәч, ир-ат һәм хатын-кыз талаша башлый.

Кунак егет хуҗа хатынның башына шешә белән суга. Хатын аңын югалта. Егет аңсыз хатын күкрәгенә пычак белән дүрт тапкыр кадый. Шуннан соң җинаятьче мәетне мәсхәрәли, диелгән әлеге хәбәрдә.

Җирле матбугат чаралары хәбәр иткәнчә, бу егет шагыйрь буларак билгеле. Коточкыч җинаять кылырга берничә көн алдан, ул социаль челтәрдәге сәхифәсендә шагыйрьләр бәйгесендә җиңүе турында яза. «Ел шагыйре -2016» бәйгесендә «Лирика» номинациясендә җиңүен хәбәр итә.

Җинаять кылган 22 яшьлек  егетне судмедэскпертиза өйрәнгән. Вәхшинең үз акылында булуы расланган.