«Шәрәпҗан — син халыкҗан» — Сабантуйда Рамил Шәрәповны арбадан екканнар

Юмор остасы Рамил Шәрәпов Әтнә районының Күәм Сабан туеннан видео куйган.

Видеода ул арбада узышу ярышында катнашкан. Ул арбага утырган, аны хатын-кыз этеп бара. Ярты юлны узгач, арба авып, Рамил Шәрәпов егыла, әмма кабат менеп утыра. Ул финишка килеп җиткәндә кул чабуларын сорый.

Инстачы юмор остасының тагын кайсы Сабан туенда булуын сораган, аның катнашындагы тамашаны карарга теләвен язган.

«Шәрәпҗан — син халыкҗан», «Молодец, барлык Сабан туенда да халык белән»; «Кайда да үзенең кәмитләрен күрсәтә», — дип комментарий калдырган Рамил Шәрәпов тудырган «Шәрәпҗан» фанатлары.