Шәрәпҗан коронавирус турында: «Нинди яхшы вирус, бәйрәмнәрдә йокмый»
Рамил Шәрәпов Шәрәпҗан образында көн кадагындагы темага багышланган видео тәкъдим итә.
Яңа видеода Шәрәпҗан бәйрәмнән соң «Казан» гаилә үзәге янында йөри. Аны полиция хезмәткәре туктата һәм битлеге булмауга «бәйләнә».
Артист Республика көнендәге халыкны һәм алар арасында санаулы кеше генә битлек киюен искәртә. «Кичә коронавирус кая иде соң ул? Ул да ял иттеме? Нинди яхшы вирус, бәйрәмнәрдә йокмый», — ди Шәрәпҗан.
Шәрәпҗанның фанатлары артист белән тулысынча килешкән.