Шәһәр мэрын, вазифасына керешкәннән соң сәгать ярымнан атып үтергәннәр
Шәһәр мэрын, вазифасына керешкәннән соң сәгать ярымнан атып үтергәннәр
Мексиканың Оахака штатындагы Тлахиако шәһәренә мэр итеп билгеләнгән Алехандро Апарисионы присяга кабул иткәч сәгать ярымнан соң атып үтергәннәр.
Җинаятьчеләр икәү булган. Апарисиога атканнар, теракт вакытында тагын ике кеше яраланган. Шәһәр башлыгы шунда ук үлгән. Яраланган түрәләрнең берсе авыр хәлдә диелә, El País басмасы хәбәрендә.
Оахака штаты губернаторы Алехандро Мурат үтерүченең кулга алынганын әйткән.
Сәясәтче ил җитәкчесе - президент Андрес Мануэль Лопес Обрадорның тарафдары, "сул" юнәлештәге партия вәкиле булган. Илдә бу партиягә каршы актив каршылык күрсәтүче кешеләр бар.
Лопес Обрадор сайланганнан соң илдә инде икенче мэрны үтерделәр. 16 декабрьдә Хуарес шәһәре мэры, 42 яшьлек Ольга Кобель үтерелгән иде.