Шәһәр фатирында күршеләр тавышын ишетмәс өчен нишләргә?
Тавышлы күршеләр стенасына шкаф куегыз, ковер элегез.
Шәһәр фатирларында күршеләрнең тавышы, урам гөрелтесе күпләргә комачаулыйдыр. Моны бетерү өчен һәрчакта ремонт та ясап булмый. Берничә гади ысул киңәшләр сайтында чыкты.
Йорт җиһазларын күчереп, тавышны киметергә була. Мәсәлән, тавышлы күршеләр белән уртак стенага агач шкаф куярга, караватны бу стенадан читкәрәк күчерергә мөмкин.
Урам гөрелтесеннән котылу өчен калын пәрдәләр элеп куегыз, ике катлы пәрдә куярга була.
Розетка тишекләре ике фатирга уртак була, шуңа күрә аларга бөке куегыз.
Стеналарга бөке тактасыннан ясалган такта куеп та тавышны киметеп була. Калын ковер, акустик панель, грифельле такта да тавышны бераз киметә.
Бүлмә гөлләре дә тавышны йоту сәләтенә ия. Аларны тәрәзә төпләренә, ишек янына куярга була. Зур ябалдашлы гөлләр тавышны яхшырак йота, диелә бу хәбәрдә.