Шәхси клиникада пластик операция ясаткан хатын үлгән
Лицензиясе булмаган хастаханәдә операция ясагач, берничә көннән хатында септик шок була.
Санкт-Петербургта урнашкан шәхси клиникага 1958 елда туган хатын-кыз мөрәҗәгать итә. Аңа пластик операция ясыйлар һәм бу хатын вафат була. Бу турыда Россия Тикшерү комитетының Санкт-Петербург буенча Тикшерү идарәсенең матбугат хезмәте хәбәр итте.
29 майда бу хатын Васильев утравы районында урнашкан клиникага пластик операция ясатырга бара. Бу оешманың стационар шартларда "пластик хирургия" профиле буенча лицензиясе дә булмый. Хатынга законсыз операция ясыйлар. Биредә тиешле җиһазлар һәм шартлар да булмый.
Хирургия операциясеннән соң бер көн узгач, 31 майда, хатынны кабат хастаханәгә салалар. Аның сәламәтлеге начарлана. 1 июньдә ул вафат була. Якынча версия буенча, хатын септик шоктан үлә. Өстәвенә ул күп кан югалта, шуңа күрә тагын башка сәбәпләр дә барлыкка килә.
Тикшерүчеләр җинаять эше ачкан.