«Сезне күргәч, тыным кысылды» - Алсу Әбелханова инстачыларны шаккаттырган
Җырчы яңа образларын тәкъдим итә.
Җырчы Алсу Әбелханова яңа фотосессиясеннән фотолар куйган. Алар чыннан да бик матур. Инстачылар җырчының гүзәллегенә, зәвыгына, матур образларына «ах» итеп соклануларын язган.
«Абау! Тыным кысылды. Бу матурлыкны күргәч, сулыш алмый тордым. Күз тидермәсеннәр», — дип сокланган берәү.
«Бернинди француз хатыннары да сезнең белән тиңләшә алмый. Сезгә сокланып туя алмыйм», «Патшабикә. Юк. патшабикә түгел. Шаһ хатыны», «Безнең татар жырчылары бигрәк чибәр инде, берсеннән-берсе гүзәл. Безнең горурлыгыбыз бит алар!» — дип комментарийлар язган инстачылар.