«Сезне бергә күрүебезгә шат»: Ришат Төхвәтуллинның баянчысы кире кайтканмы?

Ришат Төхвәтуллинның виртуоз баянчысы Руслан Мөхәммәдиев җырчының төркеменнән 2019 елда киткән иде. «Болгар» радиосының Татарстан Республикасы көненә багышланган махсус тапшыруына Ришат Төхвәтуллин белән Руслан да килгән. Алар туры эфирда «Казах кызы» җырын башкаралар. Руслан чын күңеленнән уйный, үзе дә җыр эченә «кереп китә».

Инстачылар җырчының янәшәсендә Русланны күреп гаҗәпләнгән. «Бу элекке язмамы? Руслан кире кайттымы?», «Руслан кире кайткан икән, Аллаһка шөкер», «Сезне бергә күрүебезгә бик шатбыз. Икегез дә оста, талантлы», «Баянчысы шәп уйный, җырчысы искиткеч итеп җырлый», — дип матур комментарийлар калдырганнар.