«Ә сез, хәерчеләр, йөрегез шунда!» - «Мерседес» җәяүлеләр юлыннан йөргән - видео
Автохам уңышлы кешеләргә генә машина белән тротуардан йөрү мөмкин дип саный.
Петербургта автохам «Мерседес» машинасы белән тротуардан йөргән. Ул моны өстенлек һәм бары тик уңышлы кешеләргә генә ярый торган эш дип саный. Бу турыда РЕН ТВ хәбәр итте.
«Акча эшләргә кирәк. Тормыш дәрәҗәсен, сыйфатын күтәрергә, хлам белән йөрмәскә. Мин шулай йөрим. Мин акча эшлим дә кайф тотам. Ә сез, хәерчеләр, гомер буе бөтен кешегә исбатлап яшисез. Исбатлагыз», — дип кычкыра ул.
Автохам үзе турында бик югары фикердә. Аның белән рухи төшенчәләр турында сөйләшеп торуның мәгънәсе юк дип саный.
Шаһитлар бу видеороликны полициягә тапшырган, диелә хәбәрдә.