Украина хәрби көчләре (ВСУ) Севастопольгә ракеталар белән аттырган. Герой-шәһәрдәге 8 торакка зыян килгән, дип белдергән шәһәр губернаторы урынбасары Евгений Горлов. Шәһәр губернаторы Михаил Развожаев 24 кешенең яралануын, дүртесенең хәле уртача дип бәяләнүен әйткән.
Горлов сүзләренчә, күп фатирлы 7 йортның, 1 шәхси өйнең түбәсенә, фасадларына һәм тәрәзәләренә зыян килгән.
Оборона министрлыгы хәбәрләре буенча, ВСУ көймәләр ремонтлый торган заводка канатлы 10 ракета белән аткан. Ремонттагы 2 корабка зыян килгән. Шул ук вакытта диңгез дроннары белән Кара диңгез флоты корабларына һөҗүм ителгән. Канатлы 10 ракетаның 7сен бәреп төшерә алганнар. «Василий Быков» патруль корабы диңгез дроннарын бәреп төшергән.
Севморзаводта янгын чыккан. Аны сүндергәннәр. Хәрби эксперт Василий Дандыкин Севастопольгә Британиядә ясалган Storm Shadow ракеталары белән һөҗүм ителгәнен фаразлаган.
«База» телеграм-каналы, Севастопольдә 2 кеше һәлак булган, дип яза.
Бүген Тверь өлкәсендәге «Редкин тәҗрибә заводы»на да дроннар һөҗүм иткән, ракетаны икенче урынга төшәргә мәҗбүр иткәннәр.
«Военный осведомитель» телеграм-каналы зыян килгән «Минск» десант корабленең фотосын куйган.
