Сергей Шойгуның кызы блогерга кияүгә чыга
Кызның блогерга кияүгә чыгуына ышанмаганнар.
Саклану министры Сергей Шойгуның 30 яшьлек кызы Ксения блогер Алексей Столяровка кияүгә чыга.
«Хәзер мин кәләш! Мин сине бик яратам!» дип язган Ксения. Язылучылар кызны котлый, кияүнең Петербург блогеры Алексей Столяров икәнен белгәч, ышанмаганнар һәм үзенчәлекле комментарийлар язалар. Әмма блогер Ксения белән фотосын куеп «без беренче тапкыр шушы вакытта очраштык. Аннан соңгы хәлләрне сез беләсез» дип язган.
Ксения Шойгу «Гонка героев» дип аталган спорт чарасы җитәкчесе, шул ук вакытта «Газпромбанк» җитәкчесе урынбасарының киңәшчесе, триатлон федерациясе президенты.
Алексей Столяров - Ютуб блогер, аның 3 млн язылучысы бар.