22-27 сентябрьдә Россия дәүләт академия Кече театры сәхнәләрендә Казанның Г.Камал исемендәге Татар дәүләт академия театры гастрольләре узачак. Бу турыда Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.
Камал театры Мәскәүгә алты спектакль алып килә. Алар арасында – «Әлдермештән Әлмәндәр», «Ситса туй», «Әлфия Авзалова. Мәңгелеккә юл» һ.б.
Спектакльләр татар телендә рус һәм инглиз телләренә синхрон тәрҗемә белән бара.