Идел-Нократ районында һәм Урта Иделдә сентябрь аенда уртача айлык температура нормада - +10...+12 °С булачак. Явым-төшемнәрнең гадәттәгедән күбрәк, 55-56 мм булуы фаразлана, дип яза "Челнинские известия"газетасы.
Айның беренче көннәрендә коры һәм җылы һава торышы көтелә. Көнлек температура +23...+28 градус булачак. Беренче декада азагында кыска вакытлы яңгырлар явачак, көндез һава температурасы +15...+20 градус булачак. Ай уртасында салкынча тотрыксыз һава торышы булыр дип фаразлана. Кыска вакытлы яңгырлар явачак, көндез +11...+16 градус җылы булачак. Айның соңгы ун көнендә урыны белән кыска вакытлы яңгырлар явачак, көндез +8...+13 градус җылы булачак. Төнлә кырау төшәргә мөмкин.
Өченче декада уртасында бераз яңгырлар явачак һәм шактый җылытачак, көндез +12...+17 градус булачак. Ай ахырында коры һәм җылы һава торышы көтелә, көндезләрен +14...+19 градус җылы булачак.