Сенатор хатын Трампның импичмент процессына ике төрле төсле туфли киеп килгән
АКШның элеккеге президентына карата импичмент процессы бара.
Америка сенаторы Тина Смит АКШның элеккеге президенты Дональд Трампка карата импичмент процессына килгәндә ялгыш туфлиләрен бутаган. Ул бер аягына соры, икенчесенә алтынсыман туфли киеп килгән. Бу турыда РИА Новости яза.
Смит үзе Твиттерда туфлиләренең фотосын күрсәткән.
«Иртән минем башымда уйлар күп булгандыр, мөгаен», — дип яза ул.
АКШ сенаты Трампка карата импичмент буенча тыңлауларын дәвам итте. Элеккеге президентны халыкны баш күтәрүгә котыртуда гаеплиләр. 6 гыйнварда аның яклылар Капитолийны тар-мар итте, президент сайлауларын раслауны тоткарларга маташты. Трампны гаепләү өчен 100 сенаторның 67се тавыш бирергә тиеш, әлегә бу сан җыелмый, диелә хәбәрдә.
Think I had a lot on my mind this morning. pic.twitter.com/eWfDQXSsPV
— Senator Tina Smith (@SenTinaSmith) February 13, 2021
Капитолийга Трамп тарафдарлары бәреп керде, Байден президент дип игълан ителде, дип язган идек.