Үсемлекләр көндез үсәме, әллә төнләме?

Үсемлекләр өчен яктылык кирәк булуын барыбыз да белә. Яктылык — үсемлекләрдә фотосинтез өчен таләп ителә. Яктылык энергиясе тәэсирендә хлорофиллы күзәнәкләрдә неорганик матдәләрдән органик матдәләр ясала, аннары алар яңа күзәнәкләр барлыкка килү өчен кулланыла. Ә төнлә үсемлекләр нишли соң? Бу турыда фактлар сайтында аңлатыла.

Тикшерүчеләр ачыклаганча, көндез үсемлек «материаллар туплау» белән шөгыльләнә, ә менә төнлә ул бу материалны үсү өчен куллана.

Планетаның көн белән төн озынлыгы чама белән тигез урыннарында үсемлекләр шулай яши. Ә төньяккарак күчкән саен, үсемлекләр үсү өчен төнне генә түгел, көнне дә файдалана. Төнге температулар бик түбән булса, көндез үсемлекләр төнгә караганда да тизрәк үсәргә мөмкин. 

Эссе илләрдә исә үсемлек энергиясен һәм дымны суынуга сарыф итәргә мәҗбүр була, шуңа күрә алар төнлә генә үсә.

Селекция вакытында үсемлекнең үсү тизлеген билгеләү бик зур әһәмияткә ия. Сыйфатлы селекция булсын өчен, үсемлекнең биеклеген һәм ботакларының озынлыгын сәгать саен диярлек үлчәп торалар, диелә хәбәрдә.