Селфи ясауның нинди куркынычы бар?

Социаль челтәргә бәйле кешеләр, гадәттә, уникаль селфи ясарга маташу гомер өчен куркыныч булуын искәртми. Ә бит селфи кешенең соңгы фотосы булырга да мөмкин. Бу турыда «Прайм» агентлыгына B&C Agency агентлыгының идарәче партнеры Марк Шерман сөйләгән.

«Гомер өчен куркыныч булган урыннарда селфи ясарга кирәкми. Бу очракта сез ситуацияне контрольдә тота алмаска мөмкин бит. Тауларда, суда, транспортта барган килеш селфи ясау куркыныч», — ди белгеч.

Фото ясаганда сезнең белән берни булмыймы, бар да иминме икәнен аңларга кирәк. Сез биеклектән егылып төшмисезме, аягыгыз таеп китмиме? Матур кадр артыннан куганда кешеләр бу турыда оныта бит, ди Шерман.

Шулай ук сезнең селфи ясау әйләнә-тирәдәгеләргә кыенлык тудырмасын — үзегез турында гына түгел, кешеләр турында да уйлагыз, ди Шерман.