Себердә коммуналь хезмәтләр кар астындагы чирәмне чабарга керешкән — видео
Кузбасс, Новосибирск якларында кар астындагы газоннарны триммер белән тигезләп йөриләр.
![Себердә коммуналь хезмәтләр кар астындагы чирәмне чабарга керешкән — видео](https://intertat.tatar/resize/shd/images/uploads/news/2020/10/9/98a354761f2f1e2b5741358f3fc7c0538e35c34e41dfbc7cff8d297bafaa.jpg)
Себер якларындагы берничә төбәктә коммуналь хезмәтләр профильне үзгәртергә өлгермәгән. Беренче кар явуга карамастан, алар чирәм чабарга керешкән. Бу урыннан кадрларны РЕН ТВ каналы күрсәтте.
Кузбасс һәм Новосибирск шәһәрендә яшәүчеләр кар астыннан чирәм чабучы кешеләрне видеога төшереп, социаль челтәрләрдә тарата. Газон күренми дә, әмма аны триммер белән тигезләп йөриләр.
Хәер, бу очракта чирәм чабучы кешеләр гаепле дә түгел, эшләрне планлаштыра торган оешма гаепле. Алар график төзегендә һава торышын исәпкә алмаган, диелә бу хәбәрдә.